Azərbaycanlı polis Titul Kəmərini qazandı - VİDEO

Tarix: 28 Yanvar 2025 13:12

Yanvarın 26-da Tovuzda "Kəmər doyüşu VCBCMMA 06" seriyası üzrə Qafqaz Döyüş Liqasının 6-cı seriyası keçirilib.

Sonxeber.net xəbər verir ki, yarışda ölkəmizi Daxili İşlər Nazirliyinin Çevik Polis Alayının əməkdaşı, peşəkar idmançı Kazbek Məmmədov təmsil edib.

70 kq çəki dərəcəsində çıxış edən Kazbek Məmmədov özbəkistanlı rəqibi Eden Adəm Əhmədova elə birinci raundda nakautla qalib gələrək, Titul Kəmərini qazanıb.

Məmmədov qələbəsini əmisi şəhid Fidat Məmmədov və dostu, şəhid Cəbrayıl Dövlətzadəyə həsr edib.

Qeyd edək ki, Gürcüstanın Qardabani şəhərində Kikboksun MMA K1 versiyası üzrə keçirilən beynəlxalq turnirdə ölkəmizi təmsil edən Kazbek Məmmədov fəxri kürsünün ən yüksək pilləsinə layiq görülmüşdü. Həmin döyüşdə Kazbek Məmmədovun rəqibi Gürcüstanı təmsil edən erməni əsilli idmanci olmuşdu./axar.az